کەسێک زمانی شیرینە
دڵ پڕ هیواو ئەمینە
کەسێک کە زۆر بەدبینە
بێ هیواو نا ئەمینە
Wednesday, December 30, 2015
Thursday, December 24, 2015
خه م
خەم تەنیا هەر خەم بەرهەم دەهێنێ
هەر هیواو هومێد خۆشیی دەچێنێ
ئەوەی کە دوێنێ ئازاری داویی
سبەی ئاساریی لەلات نامێنێ.
Sunday, December 13, 2015
رووم هه ر له تويه
بۆ هەر کوێ بچم بیرم لای تۆیە
دڵ وەک ئاوێنە رووی هەر لە تۆیە
تۆ رووگەی منی هەرگیز ناتگۆڕم
بۆیە تامردن رووم هەر لە تۆیە
Thursday, December 3, 2015
Tuesday, November 24, 2015
ئه ى سيوه كه م
ئەی سێوەکەم سێوە خانێ
کەی بێمەوە کوردستانێ
بەیەک بگەین لە دیوانێ
تاكو مردن بکەین ژیانێ
24/11/2015
Thursday, November 12, 2015
هه ر من
هه ر من بە فیدای هەستی جوانت بم
فیدای دڵسۆزی و دڵی زارت بم
گەرچی لێم دووری دڵم هەر لای تۆیە
گشت کات و ساتێک ئاگای لە تۆیە
Wednesday, November 11, 2015
نوقته
هەرشتێ لە جێی خۆی بایەخی هەیە
بەردیش لە جێی خۆى کەسەنگی هەیە
نوقتە ئەگەرچی هیچ دەنگی نی یە،
بەڵام کە سێ بوو، مانای خۆی هەیە
Thursday, November 5, 2015
ئه گه ر گيان كيشان
ئەگەر گیان کێشان وەک ئەشق بوایە
ئێش و ئازاريى دەربکەوتایە
لەبری گیان کێشان هەر ئەشق دەبوو
تا هه موو جیهان گريى گرتبايه.
لەبری گیان کێشان هەر ئەشق دەبوو
تا هه موو جیهان گريى گرتبايه.
6/11/2015
Thursday, October 29, 2015
ياد
ياديى تو هه رگيز ناچى له يادم
گه ر له يادت كه م من ره نج به بادم
ياديى تو ژيانه و من بى ئه و ناژيم
هه ر ياديى تويه ده گا به دادم
Wednesday, October 28, 2015
خه و
چۆن بێدارت کەم لەو خەوە خۆشە
تاتێر گوێ بگرم لەو دەنگە خۆشە
خەریکە دەمرم بە چاوەڕوانی
من ژیانم تەنیا بەتۆ وە خۆشە
Thursday, October 1, 2015
ناوه كه ت
نــاوەکــەت
ناوەکــــــەت پیرۆزە لام وەک
نیشتیمانو ئـــــــــاڵایـــــــــــــە
(کاف) بەمـانـــای کوردستان
(بزوێن)یش وەک ئهدایـــــــە
(ژێ) بەمانای ژیانەو (ئا)
بەمانـــــــــای ئـــــــــــــــاڵایــە
(لام) بەمــــانـــــای لاواندن
هەروەکوو لایــــــــە لایــــــــە
Thursday, September 17, 2015
تو نيشتيمانى
تۆ نیشتیمان و نیشتیمانیش تۆی
هەر تۆ نموونەو شازیی دونیا تۆی
نیشتیمان بۆیە زۆر خۆشەویستە
چون پارێزەرو جوانتریش هەرتۆی
Monday, September 14, 2015
باسى رابردوو
باسی رابردوو بۆ ئەو دەورانە
هەرچی بوترێ هەردەردو ژانە
خۆشبێ ناخۆشبێ ناگەڕێتەوە
نان ئەو نانە یە ئەوڕۆ لە خوانە
خه ريكه ده مرم
بەتینی عەشقت بوم بە بریانی
وەرە دەرکەوە لە خۆر بە تینتر
مەگەر نازانی تۆ هیوای ژیانی
Sunday, June 28, 2015
خەیاڵ
چیتر مەژیی بە خەیاڵ گەر ژیری و
ژینت دەوێ
راستیی بکە بە هاودەم گە ر ژین و
بيرت دەوێ
خەیاڵ لە خۆت دوور کەوە گەر ژینی
راستیت دەوێ
هەستەو راپەڕە لە خەو ژین زیاتریی
پێدەوێ
Tuesday, June 23, 2015
ئەی فریشتەکەم
بێدەنگ رۆیشتی و نەتکرد ماڵئاوا
بێئەوەی گوێ بدەی بەعەهدو وەفا
ئەی فریشتەکەم ئەی هێزی ئەژنۆم
مەگەر تۆ نەبووی سەرچاوەی وەفا
Sunday, June 14, 2015
Friday, June 12, 2015
بو كاك فخره دين
لەهەرکوێبی برا گەورەکەم
من شانازییت پێوە دەکەم
چونکە برای هەڵبژاردەمی
بۆیە هەردەم بیرت دەکەرم
13/6/15
Friday, May 1, 2015
بۆ جێتهێشتم
بۆ جێتهێشتم بەتەنیایی
لە غەریبی و بێنەوایی
ئەی نازانی بێتۆ ناژیم
کە هەناسەو هەم بینایی
2-5-2015
Thursday, March 26, 2015
گەرچی وەفا سروشتی یە
گەرچی وەفا سروشتی یە
بۆ هەرکەسێ پێویستی یە
بەڵام چونکە زۆر بەنرخە
لەزۆر کەسدا بوونی نی یە
م. پشدەری
27-3-2015
Thursday, March 19, 2015
هەرگیز نەبووە و قەت نابێ کاکە
هەرگیز نەبووە و قەت نابێ کاکە
خوا کاری بێجێ لەگەڵ کەس ناکا
پەندیی کوردی یە هەروەک دەزانن
گەر کێو نەبینێ بەفریی تێناکا
19-3-15
م. پشدەری
Wednesday, March 11, 2015
مەبە بە هەویر تێکت هەڵشێلن
مەبە بە هەویر تێکت هەڵشێلن
هەموو شێوەیەک بەتۆ دەربێنن
ببە بە ئەڵماس یان وەک پۆڵابە
کەهەموو هێزێک لەبن دەردێنن
م.پ
11/3/15
Tuesday, March 10, 2015
فرمێسک و ئەوین
فرمێسک و ئەوین هاوڕێی یەکترن
هەردوو گیرۆدەی زامی یەکترن
لە هەرکوێ ئازار بە یەکێک بگات
ئیتر ناسرەون چوون لە یەکترن.
هەردوو گیرۆدەی زامی یەکترن
لە هەرکوێ ئازار بە یەکێک بگات
ئیتر ناسرەون چوون لە یەکترن.
M. Pishdari
گەر پەنجەی ئاوا وێنەت بۆ بگری،
گەر پەنجەی ئاوا وێنەت بۆ بگری،
چۆن دەبێ ئەتۆ لەخۆشیان نەمری؟
وێنەکەت گەرچی لەوەش جوانتر بێ،
بەڵام دوور نییە لەخۆشیان بگری.
چۆن دەبێ ئەتۆ لەخۆشیان نەمری؟
وێنەکەت گەرچی لەوەش جوانتر بێ،
بەڵام دوور نییە لەخۆشیان بگری.
M. Pishdari
خۆزگە قسەو عەمەل وەکو یەک بایە
خۆزگە قسەو عەمەل وەکو یەک بایە
زمان و دڵیشمان لێک جیا نەبایە
زمان هەرچی بیڵێ بێ سوودو بۆشە
گەر دڵ و مێشک لێی بێ ئاگایە
م. پشدەری
21/2/15
زمان و دڵیشمان لێک جیا نەبایە
زمان هەرچی بیڵێ بێ سوودو بۆشە
گەر دڵ و مێشک لێی بێ ئاگایە
م. پشدەری
21/2/15
خەمی ئەوەم نیە کە چیم پێدەڵێی،
خەمی ئەوەم نیە کە چیم پێدەڵێی،
خەمی ئەوەمە کە چیم بۆتنە کرد؟
تۆ ئەوە نەبووی گوێت لێ بگیرێ،
کە وەکو مرۆڤ رێزت لێ بگیرێ.
من هەرگیز ناڵێم شیعر دەنووسم
من هەرگیز ناڵێم شیعر دەنووسم
گەرچی رۆژانە زۆر شت دەنووسم
ئیلهامی شیعر بۆ هەر کەس نییە
بۆیە هەست ناکەم کە هیچ دەنووسم
شەرتە لەمڕۆوە ناوت نــەهێنم
شەرتە لەمڕۆوە ناوت نــەهێنم
پەنا بۆهەستو سۆزت نەهێنم
هاوڕێی وەفادار هەرگیز نـابینم
منیش ماڵئاوا عەشق و ئــەوینم
بۆ دیداری کچم
بۆ دیداری کچم بەبۆنەی رۆژی لە دایک بوونی.
رۆژی لە دایک بوونت خۆشترین رۆژی منە
باس لە یادەکانی تۆ خۆشترین ئاواتی منە
پێکەنین و بزەی تۆ جوانترین دیاریی منە
ئەو رۆژەت لێ پیرۆز بێ کە تاکە هیوای منە
محمد پشدەری
5/3/2015
خۆشمدەوێی.... گیانەکەم
خۆشمدەوێی.... گیانەکەم
ئەی یارە نازدارەکەم
گەر ساتێک لێت جوودابم
هەست بە تەنیایی دەکەم
٢٠/٢/٢٠١٥
زیان
زيان
هەرکەس بەجۆرێ زیان دەگەیەنێ
دوژمن بەجۆرێ و دۆستیش بەجۆرێ
لەزیانی دوژمن هەرگیز مەترسە
ئەوەی خراپە دۆست دەیگەیەنێ.
م.پ
١٦/٢/١٥
عەشق و سۆزو خۆشەویستی
عەشق و سۆزو خۆشەویستی
ئاگری بن خۆڵە مێشە
هەرکە بادای لە خۆڵە مێش
دەردەکەوێ و گەش و خۆشە
خۆشەویستی دەفرۆشی
خۆشەویستی دەفرۆشی و
رق و قینەش دەبارێنی
باوەڕ بە بزەت ناکەم
چون هەمیشە دەناڵێنی
مرۆڤ دەبێ وەک بولبول
موژدەی بەهار بهێنێ
نەک هەردەم بێ هیوابێ و
ماڵیی دڵ بشێوێنێ
م.پ
8/2/15
چۆن بێدارت کەم لەو خەوە خۆشە
چۆن بێدارت کەم لەو خەوە خۆشە
تاتێر گوێ بگرم لەو دەنگە خۆشە
خەریکە دەمرم بە چاوەڕوانی
من ژیانم تەنیا بەتۆ وە خۆشە
م.پ
7/2/15
هەست و بیرم هەر لایتۆیە
هەست و بیرم هەر لایتۆیە
هەرچەند دەکەم خەوم نایە
زۆر شت هەیە کە پێت بڵێم
بەڵام چی بکەم دڵم نایە
دڵم پڕە لە عەشقی تۆ
وەک دەریایەو بێکۆتایە
Monday, March 9, 2015
هێرشی ناحەزان کارم لێناکا
هێرشی ناحەزان کارم لێناکا
بانگەشەی ئەوان لەمن کەم ناکا
ئەوەی کە دەیکا کەسی خراپە
ئەوەی ئەو دەیکا دوژمن پێمناکا
M.P
18-1-15
هەرچی بنووسم هەر بێ ئاکامە چونکە تێمناگەی
هەرچی بنووسم هەر بێ ئاکامە چونکە تێمناگەی
عەشق و شەیدایی زۆر بە ئازارە بەڵام پەینابەی
من هەرچی بڵێم بێسوودو هیچە چونکە تێی ناگەی
بۆیە هیچیتر خۆم ناشێوێنم چونکە پێمناگەی
چۆن لەبیر دەکرێ ئەو ڕۆژە خۆشە
چۆن لەبیر دەکرێ ئەو ڕۆژە خۆشە
لەگەڵ ئەو گوڵە کە زۆر پەروشە.
هەموو رۆژ جارێک بیرم دێتەوە
چون ئەویش وەک من دڵپڕ لەجۆشە.
14-10-2014
من چۆن رێز نەگرم لە تۆی بەڕێزم
من چۆن رێز نەگرم لە تۆی بەڕێزم
گەر وابم دیارە من زۆر بێ هێزم
دیاری بەنرخە چ پەندبێ چ گوڵ
من لێت وەردەگرم ئەی خاوەن رێزم
گەر رۆژێ چەند جار ناوت نەهێنم
گەر رۆژێ چەند جار ناوت نەهێنم
چەند جاری تریش شێوەت نە بینم
یان شێعرو هەڵبەست بۆ تۆ نەنێرم
مردن باشترە من بۆ بمێنم.
دڵێک هۆگری عەشقی تۆنەبێ
دڵێک هۆگری عەشقی تۆ نەبێ
دڵێک ئاوێتەی سۆزی تۆ نەبێ
دڵێک هێلانەی بیری تۆ نەبێ
یاخوا راوەستێ با هەرگیز نەبێ
م.پ
ئەو گوڵەی هەردەم
یادیی بەخێر
ئەو گوڵەی هەردەم بیرو هۆشم بوو، یادیی بەخێر
ئەو گوڵەی وزەو تیشکی خۆرم بوو، یادیی بەخێر
ئەو گوڵەی تەنیا خەون و خیاڵ بوو، یادیی بەخێر
ئەو گوڵەی هەرگیز لەدڵم دەرناچێ یادیی بەخێر.
7/6/2017
سپاس و پێزانین، چەنده جوانە؟
سپاس و پێزانین، چەنده جوانە؟
کە بۆ هەندێک کەس تا بڵێی گرانە!
ئەو وشە جوانە گەرچی بچووکە،
بەڵام لەلای خوا جێی سەرسوڕمانە.
هاوڕێی زاناو پاک تا هەبێ کەمە
هاوڕێی زاناو پاک تا هەبێ کەمە
یەک تا هەزاران هێشتا هەر کەمە
براش کە نەزان بێ هەر دەردو خەمە
دوژمن باشترە چونکە یەک خەمە
م.پ
4/3/15
خۆزگە بۆ کەسێ بەڕاستی کەس بێ
خۆزگە بۆ کەسێ بەڕاستی کەس بێ
نەک بەناو کەس و دژ بەکەسم بێ
کەسی بەناو کەس هەر نەبێ چاکە
نەک بەناو کەس بێ بەڵام ناکەس بێ
چیتر بە خەیاڵ میوانت نابم
چیتر بە خەیاڵ میوانت نابم
ئاشق بە باڵای نادیارت نابم
تێکەڵ بە بیری شێواوت نابم
بەهیوای ژینی بابردوو نابم.
وەک مێشە رەشە دوای پیس بکەوی
وەک مێشە رەشە دوای پیس بکەوی
زۆریی پێناچێت خۆت تێی دەکەوی.
هەرشتێ پیس بێ هەر پیس دەبینێ
هەر بۆیە دایم دوای پیس دەکەوێ...
نەزانی مرۆڤ چۆن دەردەکەوێ؟
نەزانی مرۆڤ چۆن دەردەکەوێ؟
کەهەردەم دژیى کەسی دەرکەوێ
ئەو کەسە هەرگیز ناگا بە ئامانج
کە ناوی وەکو خۆریش دەرکەوێ
م.پ
10-3-2015
Subscribe to:
Posts (Atom)
