زمانى شيرين

کەسێک زمانی شیرینە

دڵ پڕ هیواو ئەمینە

کەسێک کە زۆر بەدبینە

بێ هیواو نا ئەمینە

خه م

خەم تەنیا هەر خەم بەرهەم دەهێنێ

هەر هیواو هومێد خۆشیی دەچێنێ

ئەوەی کە دوێنێ ئازاری داویی

سبەی ئاساریی لەلات نامێنێ.

رووم هه ر له تويه

بۆ هەر کوێ  بچم بیرم  لای تۆیە

دڵ وەک ئاوێنە رووی هەر لە تۆیە

تۆ رووگەی منی هەرگیز ناتگۆڕم

بۆیە  تامردن  رووم  هەر  لە تۆیە

دلم شيته

دڵم شێتە  هەر  تۆی  دەوێ

ئارامی   نیە   رۆژو  شەوێ

وەکو  منداڵ   بۆت  دەگریە

بۆساتێکیش بۆم ناسرەوێ

ئه ى سيوه كه م

ئەی سێوەکەم سێوە خانێ

کەی   بێمەوە  کوردستانێ

بەیەک   بگەین  لە  دیوانێ

تاكو  مردن  بکەین ژیانێ

24/11/2015

هه ر من

هه ر من بە فیدای هەستی جوانت بم

فیدای  دڵسۆزی  و  دڵی  زارت  بم 

گەرچی لێم دووری دڵم هەر لای تۆیە

گشت  کات و ساتێک ئاگای  لە تۆیە

نوقته

هەرشتێ  لە جێی خۆی بایەخی هەیە

بەردیش لە جێی خۆى کەسەنگی هەیە

نوقتە  ئەگەرچی  هیچ  دەنگی  نی یە،

بەڵام  کە سێ  بوو، مانای خۆی هەیە