خوزگه

خۆزگە لە ژینا پارە نە بوایە

تا خزم و کەس و هاوڕێ زۆر بوایە

پارە دوژمنی خۆشەویستی یە

نەبوونی، مەرگەو بوونی بەڵایە

خه وم كه مه

خەوم  کەمەو  خەمم  زۆرە

چونکە زوڵم و ستەم  زۆرە

نەزان حاکمەو دەوری زۆرە

بەڵام  زانا....  زۆر و  بۆرە

م. پشدەر

15/4/2014

ده ستت ره نگينه

ده ستت ره نگينه كارت زور جوانه

هه ربويه ده لين: زور له به ر دلانه

هونه رو ره و شت پيكه وه جوانه

بوهه ردوو جيهان هه وينى  ژيانه

بو نيشتيمان

چ لە شاخ بم چ لە شار بم

لەهەر شوێنێکی جیهان بم

خۆشمدەوێی دەتپارێزم

چونکە هەر تۆی رازو نیازم

بو شيركوى كورم

                                                             چیتر ناهێڵم

چیتر ناهێڵم تۆ بەتەنیابی

دوور لە دایک و باب خوشک و برا بی

دوور لە هەناسەو سۆزی ئەوان بی

دوور لە چیرۆکی ژیانی ئەوان بی

دوور لە رابردوو ئێستاو دووا بی

دوور لە سۆزی دایک دوور لە وتەی باب

دوور لە هاواری دڵی ئەوان بی.

ئێمە لە تۆین و تۆش هەر لە ئێمەی

گەر تۆ ئیسقان بی گۆشتەکەت ئێمەین

گەر تۆ ژینگە بی هەوای پاک ئێمەین

گەر تۆ دنیا بی ئاسمان ئێمەین

گەر تۆ رووبار بی دەریای تۆ ئێمەین.

گەر تۆ خولەک بی کاتژمێرت ئێمەین

گەر تۆ کاتژمێر بی رۆژ ژمێرت ئێمەین

گەر تۆ رۆژ ژمێر بی مانگ ژمێرت ئێمەین

گەر تۆ مانگ ژمێر بی ساڵ ژمێرت ئێمەین.

گەر تۆ نەخۆش بی نۆژداروت ئێمەین

گەر تۆ خەمبار بی هاوخەمت ئێمەین

لەتەنگانەتدا پشتیوان ئێمەین

لە تەنیاییدا هاوڕازت ئێمەین

لەناخۆشیدا بەشدارت ئێمەین.

بۆ بیرکردنەوەت راوێژکار ئێمەین

بۆ دەرکەوتنت هاوسەفەر ئێمەین

بۆ پاراستنت پارێزەر ئێمەین

لە تاریکیدا چرای تۆ ئێمەین

لە ماندوویی دا پاڵپشتت ئێمەین

بۆ حەسانەوەت سایە هەر ئمەین.

محمد پشدەرى

5.9.2014

شیعر

هه‌ڵوه‌دا
17/5/2008
Shewaw_2009@hotmail.com

شیعر خه‌یاڵی رۆژانی له‌ده‌ستچووه‌ و به‌رده‌وام له‌ناو مێشکدا ده‌خولێته‌وه‌.
شیعر هه‌ستی ده‌ورانی لاوێتی یه‌و له‌کۆتایی ته‌مه‌ندا سه‌رهه‌ڵده‌داته‌وه‌.
شیعر بوڕکانی عه‌شقه‌و له‌دوای تێپه‌ڕبوونی سه‌رده‌می لاوێتیدا ده‌ته‌قێته‌وه‌.
شیعر خۆشه‌ویسترین هاوڕێی ژیانه‌، که‌هه‌ر له‌ته‌نیاییدا له‌ده‌رگای دڵده‌داو به‌دیدار شاد ده‌بێته‌وه‌.
شیعر ئاره‌زوویه‌کی دێرینه‌و له‌کاتی بێ هیوایی دا ده‌گه‌ڕێته‌وه‌.
شیعر ده‌رمانێکی ئارام به‌خشه‌و دڵه‌ نائارامه‌کان ئارام ده‌کاته‌وه‌.
شیعر ئاوی ژیانه‌و ته‌مه‌ن تازه‌ ده‌کاته‌وه‌.
شیعر تیشکی خۆره‌و ده‌روونه‌ تاریکه‌کان رووناک ده‌کاته‌وه‌.
شیعر بارانی ڕه‌حمه‌ته‌و‌ ئه‌وینی سیس بو و سه‌وز ده‌کاته‌وه‌.
شیعر شنه‌بای به‌ره‌به‌یانه‌و دڵی گه‌رمی پڕ خۆشه‌ویستی، فێنک و ئارام ده‌کاته‌وه‌.
شیعر به‌هاری عه‌شقه‌و له‌پاییزی ته‌مه‌ندا، دووباره‌ ده‌بێته‌وه‌.
شیعر هاواری ده‌نگی بێنه‌وایانه‌و له‌هه‌موو دنیادا ده‌نگ ده‌داته‌وه‌.
شیعر تۆفانه‌و کۆشکی به‌رزی زۆرداران تێکده‌ڕوخێنێ و ئاوه‌ژووی ده‌کاته‌وه‌.

من ده‌ریام

هه‌ڵوه‌دا
Shewaw_2009@hotmail.com

‏20‏/08‏/2010

من ده‌ریام و شلوێ نابم
به‌ده‌می سه‌گ قه‌ت پیسنابم
چون که‌سێکم خۆم ده‌ناسم
بۆیه‌ هه‌رگیز توڕه‌ نابم

تیرو توانج و قسه‌ی پڕوپووچ
لێرو له‌وێ بۆ هیچ و پووچ
دادیان ناداو سوودیی نی یه
چون ئه‌وانن هه‌ر مایه‌پووچ

‌بێ نرخه‌کان چونکه‌ بۆشن
له‌ناو خه‌ڵکا تێده‌کۆشن
ژه‌هری زمانیان بخه‌نه‌‌گه‌ڕ
تا ڕووی ره‌شیان دابپۆشن

ئه‌وه‌ی خه‌ڵک به‌که‌م ده‌گرێ
ته‌نیا هه‌ر خۆی به‌که‌م ده‌گرێ
چون له‌ناخ دا نرخیی نی یه‌
بۆیه‌ وه‌ک سه‌گ مرۆڤ ده‌گرێ