من ده‌ریام

هه‌ڵوه‌دا
Shewaw_2009@hotmail.com

‏20‏/08‏/2010

من ده‌ریام و شلوێ نابم
به‌ده‌می سه‌گ قه‌ت پیسنابم
چون که‌سێکم خۆم ده‌ناسم
بۆیه‌ هه‌رگیز توڕه‌ نابم

تیرو توانج و قسه‌ی پڕوپووچ
لێرو له‌وێ بۆ هیچ و پووچ
دادیان ناداو سوودیی نی یه
چون ئه‌وانن هه‌ر مایه‌پووچ

‌بێ نرخه‌کان چونکه‌ بۆشن
له‌ناو خه‌ڵکا تێده‌کۆشن
ژه‌هری زمانیان بخه‌نه‌‌گه‌ڕ
تا ڕووی ره‌شیان دابپۆشن

ئه‌وه‌ی خه‌ڵک به‌که‌م ده‌گرێ
ته‌نیا هه‌ر خۆی به‌که‌م ده‌گرێ
چون له‌ناخ دا نرخیی نی یه‌
بۆیه‌ وه‌ک سه‌گ مرۆڤ ده‌گرێ